Wakaaladda wararka ee Suuriya SANA ayaa xaqiijisay fiidnimadii Khamiista ee lasoo dhaafay, in la lasoo badbaadiyay labo xubnood oo ka tirsan ciidamada ammaanka ee Suuriya, kuwaas oo horay looga afduubtay olole ka socday tuulo ku taalla xuduudka Lubnaan, ujeeddaduna ahayd la dagaalanka tahriibtinta hubka.
Wakaaladda dalkaas ayaa sheektay, in iska horimaad dhexmaray ciidamada ilaalada xuduudaha iyo tiro dad ah oo la baadi goobayay ay keentay in la afduubto labadan askari ee ka tirsan ciidamada dalkaas, xilli ay ku guda jireen waajibaadkooda shaqo, iyadoo xustay in la qabtay tiro dad ah oo la raadinayey oo ku hawlanaa tahriibinta hubka, waxaana gacanta lagu soo dhigay tiro hub ah iyo waxyaabo Kootarabaan ah.
Wakaaladdu waxay ka soo xigatay xafiiska warbaahinta ee gobolka Homs isagoo leh, “Maamulka amniga xuduudka wuxuu awooday inuu xoreeyo labo askari oo ay afduubteen koox dad ah oo la raadinayey oo ku lug lahaa tahriibinta hubka iyo alaabooyinka kontarabaanka ah, kuwaas oo hubka u gudbaya Lubnaan.”
Iyadoo la eegayo dadaallada socda ee lagu xakameynayo xudduudaha Suuriya iyo Lubnaan, maamulka amniga xuduudaha ayaa olole ballaaran ka bilaabay tuulada Hawik ee dhacda xudduudda, ujeeddaduna tahay in la xiro goobaha laga tahriibiyo hubka iyo waxyaabaha koontarabaanka ah.
