Markab nooca shidaalka qaada ah iyo markab kale oo ah kuwa xamuulka qaada ayaa shil ku galay xeebaha bariga dalka Ingiriiska, waxaana shilkaas ka dhashay dab xooggan oo ku fiday labada Markab.
Warbaahinta dalka Ingriiska ayaa soo bandhigtay gubashada Labada Markab, iyadoo la arkayay qiiq iyo uuro madow oo is qabsatay hawada sare ee halka uu shilku ka dhacay, waxayna laamaha caafimaadku sheegeen in lasoo gaarsiiyay tobaneeyo qof oo dhaawac ah, kuwaas oo kamid ahaa shaqaalihii saarnaa labada Markab.
Martyn Boyers, oo ah madaxa fulinta ee dekedda Grimsby East ayaa warbaahinta lahadlay isagoo sheegay, in ugu yaraan 32 qof oo dhaawac ah la keenay xarumaha caafimaadka ee xeebahaas, balse xaaladdoodu aysan wali cadayn.
Afhayeen u hadlay militariga Mareykanka ayaa warbaahinta u sheegay, in markabka shiidaalka qaada ee shilka galay uu ku jiray heshiis waqti gaaban ah, kaas oo loogu talagalay taliska ciidamada badda ee Mareykanka.
Waxaa mudooyinkan dambe kusoo badanaya wadamada reer galbeedka shilalka noocan oo kale ah, ayadoo labadii sano ee ugu damabaysa la diwaan galiyay illaa 11 shil oo noocan oo kale, kuwaas oo ay ku gubteen maraakiib xamuul ah iyo kuwo shiidaalka qaada.
