Kooxda Shiicada ah ee Xuutiyiinta ayaa sheegtay, in duqeymo dhanka cirka ah oo ay fuliyeen diyaaradaha Mareykanka lagu beegsaday labo goobood oo ka tirsan magaalada Sacda ee waqooyiga Yemen.
Weeraradan oo dhacay xalay saqdii dhexe ayaa lagu bartilmamedsaday deegaanka Kahlan ee bariga magaalada Sacda iyo Al-Asayid oo iyadana dhacda degmada Kitaf ee isla magaalada Sacda.
Shalay Khamiista ayay ahayd markii warbaahin taabacsan Xuuthiyiinta ayaa sheegtay, in diyaaradaha dagaalka ee dawladda Mareykanku ay duqeymo xiriir ah ka fuliyeen gobollada Sacda, Al Xudeyda iyo Sanca.
Dawladda Maraykanka ayaa mudooyinkan dambe xoojisay duqaymaha arxanka daran ee ay ku hayso gobalada kala duwan ee dalka Yemen, kaddib amar uu bixiyay madaxwaynaha dalkaas Donal Trump, kaas oo lagu bartilmaameedsanayo xarumaha kooxda Xuutuyiinta ee gacan-saarka dhow la leh dawladda Iran.
