Qaar ka mid ah maleeshiyaadka Danab uu Mareykanku tababaro ayaa xalay lagu dilay gobalka Sh/hoose.
Maleeshiyaadka ayaa weerar kusoo qaaday xaafado ka tirsan degaanka Farsooley oo hoos taga degmada Tooratoorow ee gobalka Sh/hoose, balse waxaa dagaal kaga hortagay ciidamada Xarakada Mujaahidiinta Al-Shabaab, waxaana la gaarsiiyay khasaaro aad u xoggan.
Maleeshiyaadka Danab waxaa dagaalka looga dilay ilaa iyo 4 askari waxaana looga dhaawacay 3 kale.
Kadib jabkii soo gaaray Danab waxay u firxadeen xeradii ay ka soo duullaan tageen ee Ballidoogle.
Sida warar lagu kalsoon yahay aan ku helnay, Danab waxay gaysay meydadka askarti laga dilay iyo kuwi laga dhaawacay xerada Ballidoogle.
Dhanka kale, maleeshiyaadka Danab ayaa rasaas xoggan ku furay xaafadaha degaanka Farsooley mudadii ay meydadka iyo dhaawacyada qaadanayeen; waxaana dadka shacabka ah kasoo gaaray dhaawac 4 qofood oo 3 kamid ah ay haween yihiin.
