Ciidamada gumeystaha Israa’iil ayaa ku dhawaaqay in laba askari looga dilay 24 kale looga dhaawacay weerar loo adeegsaday diyaarad aan duuliye lahayn oo ka soo duushay dhulka Ciraaq.
Saraakhiisha la dilay ayaa lagu kala magacaaba Sajin Daniel Aviv Haim Sofer iyo Corporal Tal Dror, waxayna katirsanayeen guutada Golani qaybta isgaarsiinta iyo macluumaadka.
Kooxda la baxday Iska caabinta islaamiga ah ee Ciraaq ayaa ku dhawaaqday in ay qaaday dhowr howlgal oo ka dhan ah gumeysiga Israa’iil saacadihii hore ee subaxnimadii Jimcaha.
Bayaan ay kooxdu soo saartay ayeey ku sheegtay in ay “ku garaacday saddex bartilmaameed oo kala duwan oo ku kala yaala mandiqadda Golan iyo Debriyaa ee waqooyiga la haysto ee Falastiin, iyaga oo adeegsanaya diyaaradaha aan duuliyaha lahayn”.
