Ciidamada Taageerada Degdegga ah ee dagaalka ba’an kula jira malatariga Suudaan ayaa maant duqeymo ay ka geysteen magaalada Omdurman waxa ay la beegsadeen gooba ay ku noolyihiin dad rayid ah, waxana duqeymahaasi ka dhashay khasaare isugu jiro dhimasho iyo dhaawac
Inta la xaqiijiyay waxaa duqeymahaasi ku geeriyooday Saddex qof oo rayid ah, kuwaas oo kala ahaa: laba carruur ah iyo qof dumar ah, halka ay ku dhaawacmeen sideed ruux oo kale, oo iyaguna ah dad shacab ah.
Goob joogayaal ayaa ku soo wararamay, in ay maqlayeen dhawaqa todobo madfac oo ku dhacayay xaafado ay dagan yihiin dad rayid ah oo ka tirsan magaalada Omdurman.
Weerarradaan ayaa imaanaya, iyadoo ciidamada Suudaan ay labadii maalmood ee la soo dhaafay ku guuleystay, in ay la wareegaan dhowr goobood oo istiraatiiji ah oo ku yaalla caasimadda Khartoum, sida madaxtooyada, Bankiga dhexe ee Suudaan iyo Matxafka Qaranka.
