Maxaa ka naqaana deegaanka Sabiid?
Deegaanka Sabiid waa deegaan muhiimad istiraatiijayadeed leh oo ku yaala jiinka wabiga Shabelle.
Sidoo kale deegaanka Sabiid waxa uu ku yaalaa ama uu dhacaa inta u dhexeysa wadada dheer ee u dhexeysa degmada Afgooye iyo degmada Awdheegle ee Gobolka Shabeelada hoose.
Deegaanka Sabiid ayaa kaabiga ku haaya ilinka hore ee laga galo Degmada Afgooye.
Deegaanka Sabiid waxaa dhinacyada kala duwan ka xiga deegaano iyo saldhigyo ay ku sugan yihiin ciidamada dowlada federaalka iyo kuwo Shisheeyaha ee loogu yeero AUSSOM gaar ahaan Ciidamada Yugaandha, waxaana u dhexeeyaa saldhiga askarta DF ee Bariire, Afgooye iyo saldhiga ciidamada Yugaandha ee Aala Yaasir iyo Number50.
Sidaas oo ay tahayna ma jiraan wax gurmad ah oo ay heleen ciidamada weerarka la kulmay saaka.
Jihaadiyiinta Alshabaab ayaa horey u soo qabsaday degmada Awdheegle ee gobolka Shabeelada hoose ayagoo ilaa iyo hadda gacanta ku haaya degmadaas.
Xarakada Alshabaab ayaa u muuqata inay hormar dhanka ciidanka ah ka sameyneeso gobolada Shabeelada dhexe iyo Shabeelada hoose.
