Khabiirka militariga iyo istiraatijiyadda, Sarreeye Guuto Elias Hanna, ayaa aaminsan in dagaalka Yahuudda ee Marinka Gaza ay ku shahiideen hogaamiyaashii safka koowaad ee muqaawamada, balse ay soo saareen hoggaamiyeyaal cusub oo iska caabbinta falastiiniyiinta ah kuwaas oo hoggaamin doona wejiga xiga.
Abu Cubeyda, oo ah afhayeenka guutada Al-Qassam – garabka milatari ee dhaqdhaqaaqa iska caabinta Islaamiga ah ee Xamas – ayaa dhawaan ku dhawaaqay, istish-haadka madaxii shaqaalaha ee guutada Al-Qassam, Muhammad al-Deif, iyo koox mujaahidiin ah oo ka tirsanaa golaha milateriga ee Qassam.
Sarreeye Guuto Hanna waxa uu u tixgeliyay, in iska caabinta Gaza ay ka kororsatay duruus iyo khibrad ciidan 15-kii bilood ee uu socday dagaalka Sahaayinada, ayna tahay in laga faa’ideysto si loo ogaado waxa dhacay, isagoo tilmaantay, in dagaalka Duufaanta Al-Aqsa uu ka dhashay masiiro socotay tan iyo 2007-dii, markaasoo ay dhaceen iska hor imaadyo iyo muwaajahaad dhexmaray iska caabinta iyo ciidamada gumaystaha.
Waxa uu tilmaamay khabirkan, in marxalada hadda taagan ay tahay mid ku cusub wax iska caabinta oo ay jiri doonaan hoggaan cusub, balse ay ogaan doonin ciidamada gumaystaha sidii hogaamiyaashii hore oo kale.
Madaxa dhaq-dhaqaaqa Xamaas ee marinka Gaza Khaliil Al-Xayaa oo shalay khudbad ka jeediyay taleefishinka ayaa sheegay, in iska caabintu ay go’aansatay in ay si rasmi ah ugu dhawaaqdo istish-haadka tiro ka mid ah hogaamiyayaashooda kuwaas oo dalka Falastiin ku waraabiyey dhiigooda saafiga ah, calankiina ku wareejiyay jiil cusub oo hoggaamiyeyaal ah si ay u sii wadaan masiirada jihaadka illaa ay ka xoreeyaan magaalada barakaysan ee Al-Qudus.
Sarreeye Guuto Hanna oo falanqeyn ku sameysay militariga muqaawamada ee Gaza ayaa wuxuu tilmaamay, in ku dhawaaqista Xamaas ee istish-haadka hoggaamiyayaasheeda dhanka siyaasadda iyo kuwa militariga ay ku timid marxalad cusub oo loo gudbayo, taas oo la filayo inay noqoto mid dib u habayn iyo dib u qaabayn lagu sameeyo qaab-dhismeedka dhammaan dhinacyada ciidamada.
Waxa uu intaa ku daray, in Yahuudda ay aaminsanayd in ninka Al-Deif uu yahay nin curyaan ah, balse barnaamijka “Waxa qarsoon ayaa ka weyn” waxa uu muujinayaa in xogtaas ay ahayd mid khaldan, balse ninkaasina uu ahaa kii wax qorsheeyey oo soo abaabulay, kadib markii uu masuul ka noqday Guutooyinka Al-Qassam.
Waxa uu dib u xasuustay Hanna, wixii ay iska caabinta falastiiniyiintu ka sameeyeen Gaza, halkaas oo ay ka fuliyeen hawl-gal weyn oo ka dhan ahaa gumaysiga Yahuudda, isaga oo tixraacaya Sarreeye Guuto Elias Hanna dagaalkii Duufaanta Al-Aqsa.
Marka laga hadlayo nooca farsamooyinka ay Yahuuddu ku gaari jirtay hoggaamiyeyaasha wax-iska-caabbinta falanqeeyahan waxa uu sharraxay, in markii ciidammada gumaystaha ay galeen Marinka Gaza ay bilaabeen ururinta waxa ay ugu yeereen sirdoonka taatikada ah oo ay maalin kasta u adeegsadaan ilaalo, iyo adeegsiga qalab sirdoon oo macmal ah, dhaqdhaqaaqa hogaamiyayaasha wax iska caabinta ayaana ka dhigay inay u nuglaadaan beegsiga Yahuudda.
Waxaa xusid mudan, in madaxda ugu caansan ee istish-haadkooda uu ku dhawaaqay Abuu Cubeyda, marka laga soo tago Muxammad Al-Deif, ay ka mid yihiin Marwan Issa, oo ah ku xigeenka madaxa guud ee guutooyinka Qassam, Taliyihii qeybta hubka iyo dagaalka Ghaza Abu Tamaca, Taliyihii Qaybta Kheyraadka Aadanaha Raed Thabet, iyo Taliyihii Khan Yunis Rafic Salama.
