Xarakada Xamaas oo ka hadlaysa waxa ka socda Jenin, waxay tiri, ” sii socoshada dambiyada ay Yahuudda ku hayso Janin iyo burburinta guryaha, ma jabinayso rabitaanka shacabkayaga, balse waxay kordhinaysaa kalsoonida shacabka iyo dhabar adayga iska caabinta.
Waxay intaas ku dartay, “Qaraxyadii waaweynaa ee ka dhacay Jenin iyo duminta guryo badan waxay caddayn u tahay sii socoshada dagaalka lagu dabar-goynayo dadkeenna ku nool Daanta Galbeed.”
Waxay intaa raaciyeen, “gumaystuhu wuxuu ku adkaysanayaa inuu sii wado dembiyadii dagaalka ee uu ka geystay Gaza, marka la eego aamusnaanta caalamiga ah iyo isla xisaabtanka la’aanta, sii kordhinta dambiyada ka dhanka ah Daanta Galbeed waxay kensanaysaa in la sii kordhiyo iska caabinta.”
Waxaa xusid mudan in tan iyo 7-dii October 2023-kii ay ciidamada Yahuuddu ay howlgallo ka wadeen Daanta Galbeed, oo ay ku jirto Bariga magaalada Quddus, taasoo keentay in ay ku shahiidaan in ka badan 900 oo Falastiiniyiin ah, dhaawaca 6,700 oo qof, halka 14,300 oo qofna la xiray, sida ay tilmaamayso xogta rasmiga ah ee kasoo baxday Falastiin.
