Maanta oo Talaado ah, guutada Al-Qassam ee garabka melleteriga ee Ururka Xamaas, ayaa baahisay muuqaallo muujinaya beegsiga ay ku hayaan Taangiyada loo yaqaano Markefaha, kuwaas oo marayay deegaanka Al-Fakhoura, ee galbeedka ka xigta xerada qaxootiga Jabalia.
Muuqaalkan ayaa lagu arki karaa dagaalyahannada muqaawamada oo diyaarinaya walxaha qarxa, kuwaas oo la beegsanaya Taangiyada Sahaayinada, muuqaalka ayaa muujinaya sida uu ugubtay Taangiga, isagoo ay ku dhinteen tiro askar ah oo Yahuudd ah.
Dhowaan ayay ahayd markii ku dhawaaqeen xooggaga wax iska caabinta, inay howlgallo ka fulin doonaan fariisimaha ay ciidamada Sahaayinadu ka samaysteen Waqooyiga Marinka Qaza, iyadoo muddo bil ka badan ay ciidamada Yahuuddu go’adoomin ku hayeen waqooyiga marinka.
