Wararka ka imaanaya gobalka Gedo ee Konfurta Soomaaliya ayaa ku waramaya, in ciidamada Xarakada Mujaahidiinta Al-Shabaab ay xalay qarax ku weerareen fariisin ay ciidamada dowladda Fadaraalka ku leeyihiin degmada Beledxaawo ee gobalkaasi.
Jugta qaraxaan ayaa laga maqlay xaafado katirsan degmada Beledxaawo ee gobalka Gedo, waxaana la xaqiijiyay, in Qaraxaas uu ku dhaawacmay 1 askari oo katirsan ciidama dowladda Fadaraalka.
Labo maalin ka hor ayay ahayd markii ciidamada Xarakada Mujaahidiinta Al-Shabaab ay qarax la beegsadeen bar koontarool oo ciidamada dowladda Fadaraalka kaga suganyihiin degmada Beledxaawo, qaraxaas ayaana khasaare lagu gaarsiiyay ciidamada dowladda Fadaraalka.
Malatariga Xarakada Mujaahidiinta Al-Shabaab ayaa laba jibaaray weerarrada, kamaa’innada iyo qaraxyada ay la beegsanayaan ciidamada Shisheeye iyo kuwa ku daaban ee dowladda Fadaraalka iyo maamul gobaleedyada.
