Saacadihii lasoo dhaafay, waxaa dalka Spain ka da’ay roobab xoogan oo sababay daadad gaystay khasaare kala duwan. Valencia oo ah gobolka uu khasaaraha ugu badan ka gaystay roobkan, ayaa lagasoo sheegayaa inay dad badan ku dhinteen.
Maamulka dalkaas ayaa warbaahinta usheegay – maanta oo Arbaca ah – in 51 qof ay ku dhinteen kadib markii daadad waaweyn oo dabaylo wata ay ku dhufteen Koonfurta iyo Bariga dalkaas Spain.
Gurmadka degdega ah ee gobolka bari ee Valencia, ayaa xaqiijiyay tirada dhimashada, wuxuu sidoo kale sheegay in wadooyinkii gobolkaas ay dabooleen daadadka ka dhashay roobka, sidoo kale Daadaku waxay xireen dhamaan isu socodkii, ayadoo ay go’een qaar kamida wadoyinkii tareenada.
