Ruushka ayaa maanta oo Sabti ah ku dhawaaqay, in uu burburiyay daraasiin diyaaradaha aan duuliyaha lahayn ah oo ay lahayd dawladda Ukraine, kuwaas oo xalay dulmaray qaar ka mid ah gobollada dalkaas, xilli Ukraine ay xaqiijisay in boqolaal weerar uu Ruushku la beegsaday gobalka Zaporozhye.
Wasaaradda Difaaca ee Ruushka ayaa sheegtay, in nidaamyada difaaca cirka ay soo rideen 56 diyaaradood oo laga lee yahay dalka Ukraine oo ay ku jiraan 11 diyaaradood oo dul heehaabayay gobolka Belgorod, 28 ka mid ah diyaaradahan aan duuliyaha lahayn ee lagu soo riday gobolka Voronezh ayaa lagu doonayay in lagu weeraro saldhiga ciidamada Ruushka ee gobalkaas, halka 17 diyaaradood oo kale lagusoo riday gobolka Rostov.
Dhankeeda, Wakaalladda Wararka Ukraine ayaa sheegtay in shalay oo Jimce ahayd ay Ciiddanka Ruushku 397 weerar ku qaadeen Deegaanno kala duwan oo ku yaalla magaalladda Zaporozhye ee Koonfur-bari ee dalkaas, kuwaas oo ay ku jiraan 237 Weerar oo ay fuliyeen Diyaaradaha Drones-ka, sidoo kale waxaa kamid ahaa 153 Weerar oo Madaafiic ah, halka 6 Weerarna ay ahaayeen Gantaallo lagu beegsaday xurumo kala duwan.