Ruushka ayaa ku dhawaaqay in ay soo rideen 59 diyaaradood oo kuwa aan duuliyaha lahayn ah, kuwaas oo ay Ukraine u adeegsanaysay inay ku weerarto xarumaha ay dagan yihiin ciidama Ruushka. Diyaradaha lasoo ridday waxaa ku jiray Labo diyaaradood oo kusii jeeday inay weerar ka fuliyaan Casimada Ruushaka ee Moscow.
Weerarkan ayaa dhacay xili habeen ah, halka saraakiisha Ruushku ay dirayaan digniino ku aadan go’aanka Maraykanku ugu oggolaaday Ukraine, in ay adeegsato gantaallada riddada dheer ee beegsan kara bartilmaameedyada Gudaha Ruushka.
Wasaaradda Difaaca ee Ruushka ayaa sheegtay, in 45 diyaaradood lagu burburiyay gobolka Bryansk, oo ku yaalla xadka Ukraine, waxayna sheegtay in marka laga soo tago labada diyaaradood ee lagu soo riday meel u dhow magalada Moscow, sidoo kale diyaarado kale oo aan duuliye lahayn ayaa lagu burburiyay gobolada Kursk, Belgorod iyo gobolada Tula.
