Senator Maryan Faarax oo kamid ah golaha aqalka sare ayaa kalfadhigii maanta ka jeedisay khudbad ay uga hadashay xaaladda dalka iyadoo dhalliilo u jeedisay madaxweynaha DF Xasan Sheekh Maxamuud.
Maryan waxay sheegtay in wadanka xaaladdiisa ay kasii dareyso iyadoo tusaale usoo qaadatay amni darrada iyo colaadaha beelaha ku saleysan ee ka holcaya dalka qeybihiisa.
Waxa kale oo ay sheegtay in madaxda DF ay ku mashquulsan yihiin wax walba oo xun iyo dhulboob, iyadoo ugu baaqday Xasan Sheekh inuu iska badalo halkudheggiisii ahaa “Soomaali heshiis ah…” maxaa yeelay bey “halbeegga madaxweyne Xasan Sheekh wuxuu noqday dhul la boobo iyo wax walba oo xun”
Inta badan eedaha loo jeedinayo Xasan Sheekh ayaa ah kuwa aydadku isku raacsan yihiin waxaana ugu weyn sida siyaasiyiin badan sheegayaan dhul boobka iyo hubeynta qabaa’ilka, taasoo laga macaashay in beelaha walaalaha ay dhexdooda dagaalamaan.
