Shil baabuur ayaa ka dhacay bartamaha dalka Mexico, kaas oo sababay dhimashada dad rakaab ahaa oo la socday gaari wadada marayay, kaddib markii uu jiiray tareen goobta marayay oo kantaroolka goostay.
Ugu yaraan 6 qof ayaa ku dhintay shilkan subaxnimadii Axadda, kaas oo ka dhacay wadada isku xirta magaalada caasimada ee Mexico ah iyo magaalada Puebla ee ku taalla bartamaha dalka Mexico, sida ay sheegeen masuuliyiinta deegaanka.
Shilkan ayaa ka dhacay halka loo yaqaan Llano Grande oo ay leedahay dowladda hoose ee Ixtapaluca ee gobolka bartamaha dalka Mexico.
Shilkan oo uu sababay tareen goostay koontaroolka ayaa si fool-ka-fool ah ugu dhacay gaari booyad ah iyo dhowr baabuur oo kale, oo ay ku jiraan ambalaas gaar loo leeyahay, taas oo badisay dhimashada shilkan.
Horaantii bishan Fabraayo ayay ahayd markii sidan oo kale Shil baabuur uu ka dhacay koonfurta dalkaas, kaas oo ay ku dhinteen 41 qof oo rakaab ahaa, sida uu sheegay maamulka gobolka Tabasco ee dalka Mexico.
