Shirkadaha diyaaradaha ee dalka Maraykanka ayaa manta joojiyay, in ka badan 1,300 oo duulimaad, sababo la xiriira duufaanta jiilaalka oo ku dhufatay gooba badan oo katirsan dalka, taas oo ay lasocdaan baraf iyo qabow aad udaran, halka kulaylka uu gaaray darajadii ugu hoosaysay.
Shabakadda dabagalka duulimaadka ee FlightAware ayaa sheegtay in wadar ahaan 1,306 duulimaad la joojiyay, halka 414 na dib loo dhigay, sida ay ku warantay Reuters.
Shirkadaha diyaaradaha oo ay ku jiraan Southwest, American, United iyo Delta ayaa sidoo kale soo saaray digniino ku saabsan inay duulimaadyada saameeyaan  duufaanta.
Maamulka Duulimaadyada Federaalka ee Mareykanka ayaa Jimcihii ka digay, in dabeylo xooggan ay saameyn ku yeelan karaan socdaalka gobollada Waqooyi-Bari iyo Bartamaha bad-waynta Atlantigada.
