Ciidamada Yahuudda ayaa gudaha u galay magaalooyinka Daanta Galbeed ee la haysto, iyagoo xiray tobanaan qof, waxayna wali sii wadaan weerarada ay ku hayaan magaalooyinka Tulkarm iyo Jenin.
Dhanka Nablus, ciidamada Yahuudda ayaa xiray afar Falastiiniyiin ah, kuwaas saddex kamid ah ay ku sugnaayeen tuulada Yatma, halka midka kalana lagasoo xiray tuulada Burin oo ku taalla koonfurta magaalada, kaddib markii ay weerareen Ciidamada Yahuuddu.
Magaalada Qalqilya, ciidamada guumaysiga ayaa xiRay Shan Falastiiniyiin ah, kaddib markii ay magaalada ka soo galeen dhinaca bari, waxayna gudaha u galeen xaafado badan oo ay ka mid yihiin Kafr Saba iyo Al-Qar’aan.
Beytlaxam, ciidamada gumeysiga ayaa xoog ku galay Za’tara ee bariga magaalada, waxayna weerareen guri halkaas ku yaalla halkaas oo ay ku sugnaayeen dad shacab ah . Sidoo kale magaalada Ramallah, ciidamada gumeysiga ayaa ku xiray saddex muwaadin oo kasoo jeeda magaalada Silwad.
Weerarada gardarada ah ee ay ciidamada gumaysigu ku hayaan magaalada Jenin iyo xeradeeda ayaa socda maalintii 62-aad oo xiriir ah, waxaana ku dhintay 34 qof oo Falastiiniyiin ah, halka tobaneeyo kalena way ku dhaawacmeen.
