Weerar Toogasho ah ayaa ka dhacay gudaha dhulka ay Yahuuddu gumaysato ee Falastiin, waxaana hawlgalkan ku dhintay hal qof oo Yahuuddi ah, halka uu ku dhaawacmay mid kale, weerarkan toogasho ah ayaa ka dhacay meel koonfur bari ka xigta magaalada Haifa, sida ay ku warrantay warbaahinta Yahuudda.
Booliiska Yahuudda ayaa dhankooda sheegay, in nin hubeysan uu gaarigiisa ku jiirsiiyay dad Yahuudd ah oo ku sugnaa goob basaska laga raaco, kadibna uu ka soo degay oo uu rasaas ku furay dadkii goobta ku sugnaa.
Dhanka kale, Channel-ka 13 ee Yahuudda ayaa isna sheegay, in nin 75 jir ahaa oo Yahuudi ah uu ku dhintay toogashadan, iyadoo uu dhaawac halis ah soo gaaray nin kale oo ilaa da’aada 20 sano jirka ah, waxaana goobta ay Toogashadu ka dhacay gaaray baabuurta gurmadka deg dega ah iyo ciidamo badan.
Weerarkan ayaa noqonaya hawlagalkii ugu horeeyay oo noociisa ah oo ay dhalinyarada muslimiintu ku qaadaan Sahaayinada kaddib bilaabashada xasuuqa wuxuushnimada ah ee ay Yahuuddu ka gaysanayso Marinka Qaza.
