Madaxweynaha Mareykanka Donald Trump ayaa ku tilmaamay madaxweynaha Ukraine Volodymyr Zelensky inuu yahay kaligii taliye aan u qalmin xilka madaxtinimada ee dalkaas.
Trump ayaa bartiisa twitterka ku sheegay, in Zelensky uu ku qanciyay Washington inay ku bixiso 350 bilyan oo doolar si ay u gasho dagaal aan lagu guuleysan karin, wuxuuna daaha ka qaaday in madaxweynaha Ukraine uu qirtay in kala bar lacagtii uu Maraykanku u diray aan lagu bixin halkii loogu talagalay, isagoo diiday inuu qabto doorasho ka dhacda dalkaas.
Trump ayaa intaa ku daray in dagaalku uusan ahayn mid bilow ah, balse uu yahay dagaal Zelensky uusan awoodi karin inuu dejiyo Washington iyo Trump la’aantood, isagoo xusay in Mareykanka uu si guul leh kala xaajoonayo Ruushka si loo soo afjaro dagaalka.
Horaantii Arbacadii, Zelensky ayaa dhiggiisa Mareykanka ku eedeeyay inuu aaminsan yahay xag khaldan oo uu ka dhaadhiciyay Ruushku, iyadoo xiisada u dhaxaysa Kiev iyo Washington ay isku cirka iskusii shareerayso.
