Booliska Turkiga ayaa xiray shan tuhmane oo lagu eedeeyay inay basaas u ahaayeen sirdoonka Iran, sida ay ku warrantay warbaahinta gudaha ee dalkaasi.
Saraakiisha Turkiga ayaa howlgalo ay ka fuliyeen magaalada Istanbul oo ah magaalada ugu weyn ee dalka Turkiga iyo sidoo kale magaalooyin kale oo ku yaala koonfurta dalkaasi waxa ay ku soo qab qabteen 5 qof sida ay sheegtay wakaalada wararka ee Istanbul.
Warbixin ay soo saartay wakaaladdaas, ayaa lagu sheegay, in tuhmanayaashan ay ururiyeen xogta saldhigyada militariga iyo goobaha muhiimka ah ee Turkiga ka hor inta aysan u gudbinin sirdoonka Iran.
Waxaa xusid mudan, in sanadkii 2022-kii,Turkiga uu ku dhawaaqay, in howlgal ay fuliyeen sirdoonkooda lagu soo xirxiray sagaal xubnood oo Iraaniyiin ah.
Ragaas ayaa lagu eedeeyay inay qorsheynayeen, dilka ganacsade haystay dhalashada Turkiga iyo Yahuudda, iyagoo ugu aargudayay dil horay loogu gestay saynisyahan u dhashay dalka Iran.
