Ururka shiiciga ee Xisbullaah ayaa ku dhawaaqay in maanta oo Sabti ah ay gantaallo iyo diyaaradaha aan duuliyaha lahayn ku garaaceen 3 saldhig oo ciidamada Yahuuddu ku leeyihiin agagaarka magaalooyinka Tel Aviv iyo Haifa.
Xisbiga ayaa bayaan uu soo saaray ku sheegay in ay duqeeyeen saldhigga Glilot, oo xiriir la leh Unugga Sirdoonka Milliteriga ee 8200, oo ku yaalla duleedka magaalada Tel Aviv, waxaa sidoo kale duqayn lagu burburiyay warshadaha milatariga ee Zovulon, kuwaas ku yaala waqooyiga magaalada Haifa.
Bayaanka oo sii socday waxaa lagu sheegay, in diyaaradaha aan duuliyaha lahayn lagu beegsaday, saldhigga cirka ee Palmachim ee koonfurta Tel Aviv, taas oo sababtay khasaare kala duwan.
