Militeriga xarakada Alshabaab oo weeraro ka fuliyay gobolka Baay iyo Lamu.
Ciidamada xarakada Alshabaab waxey habeenkii xalay dagaal culus ku qaadeen xerada askarta shisheeye ee Xabashida Itoobiya ee ku sugan degmada Diinsoor.
Dhanka kale, ciidamada Alshabaab waxey qarax la beegsadeen kolanyo katirsan ciidamada Kenya oo ka baxay xerada Buurta Koomoole kuna sii jeeday magaalada Kiyuunga.
Sida warar lagu kalsoon yahay ay sheegayaan qaraxa xoggan ayaa haleelay gaari nuuciisu yahay Kooyal.
Gaariga qaraxa uu haleelay ayaa goobta ku basbeelay waxaana sidoo kale ka dhashay qaraxaas dhimasho iyo dhaawac soo gaaray askartii Kenyaanka ahaa ee la socotay gaarigaas.
Labo diyaarad oo Elecobtar ah ayaa goobta soo caga dhigtay iyagoona halkaas ka daabulay dhimashada iyo dhaawacyada askarta Kenyaatiga ah.
