Hogaamiyaha guud ee kooxda Xisbullah Xasan Nasrallah ayaa ku dhawaaqay in ay bilaabi doonaan dagaal saf-ballaaran ah oo ka dhan ah gumaystaha Yahuuda.
Xasan Nasrallah ayaa yiri:
“Dagaalka ka dhanka ah Israa’iil hadda ma ahan furimo lagu taageeraayo Gaza oo kaliya, laakiin waxaa uu noqonaaya dagaal weyn oo furan oo furumihiisa ay ka mid yihiin Marinka Gaza, koonfurta Lubnaan, Yemen, Ciraaq iyo Iran.”
Xisbullah ayaa ka bilaabay weeraro goosgoos ah xuduud beenaadka u dhexeeya Falastiin iyo Lubnan, tan iyo markii uu bilowday dagaalka Gaza, 7-dii Octoobar sanadkii hore.
Ururka Xibullah ayaa tan iyo bilowgii dagaalka Gaza laga dilay boqolaal askar iyo sarakiil isugu jirto, waxaana ugu dambeeyay taliyihii guud ee ciidamada Xisbullah ninka lagu magacaabi jiray Fu’aad Shukri.
