Kooxda Xisbullah ayaa sheegtay in maanta oo khamiis ah ay duqeysay ilaa 5 goobood oo ku yaala waqooyiga Falastiin ee ku hoos jira maamulka gumeystaha Yahuuda.
Xisbullah ayaa sheegay in ay ku duqeeyeen madaafiic culus iyo diyaaradaha duuliye la’aanta ah, xerada Pranit, iyo fariisimaha askarta gumeystaha Israa’iil ay ku leeyihiin Kiryat Shmona, sidoo kale ay beegsadeen fariisimo ay askarta gumeystaha ku leeyihiin agagaarka Metulla.
Wariyayaal iyo dadka udhaw goobaha la duqeeyay ayaa sheegay in ay maqleen dhawaaqa qaraxyada ka dhacay Kiryat Shmona iyo dhowr magaalo oo ku yaalo waqooyiga Falastiin.
Duqeynta Xisbullah ayaa ku soo aaday xili gumeystaha Yahuuda aya xalay duqeymo culus ka fuliyeen ilaa 10 goobood oo fariisimo ciidan ay ku lahayeen kooxda Xisbullah.
