In ka badan 10 ruux ayaa ku dhaawacantay, kaddib markii gantaal laga soo tuuray Yemen uu ku dhacay magaalada Tel Aviv barqonimadii Sabtida, iyadoo dhawaaqa seeriga laga maqlay meelo badan oo ka tirsan dhulka ay Yahuudda xoogga kaga haysato Muslimiinta ee Falastiin.
Kooxaha gurmadka deg-degga ee Sahaayinada ayaa ku dhawaaqay, in 14 ruux oo Yahuudd ah ay ku dhaawacmeen gantaal ku dhacay Tel Aviv, kaasoo laga soo riday Yemen.
Jabhadda gudaha ee Sahaayinada ayaa ku dhawaaqay, hawlgelinta seeriga magaalada Tel Aviv ee bartamaha dhulka gumaysiga ku jira ee Falastiin.
Warbaahinta Yahuudda ayaa baahisay muuqaal ay ku sheegtay in uu muujinayo xilliga uu gantaalku dhacay iyada uusan soo qabanin nidaamka difaaca cirka ee Yahuudda.
Dhinaca kale, Booliiska Yahuudda ayaa sheegay inay heleen warar sheegaya in khasaare uu ka dhashay gantaalka Yemen ee beegsaday goobahaas.
Gantaalka cusub ee Yemen ayaa imaanaya iyadoo Yahuudda ay ku hanjabtay inay weerar xooggan ku qaadi doonto Yemen.
