Afhayeen u hadlay Xuutiyiinta Yemen, Yaxya Sariic, ayaa maanta oo Talaada ah ku dhawaaqay in kooxdu ay ku soo rideen gobolka Sacda diyaarad aan duuliyaha leheen ee MQ-9 taas oo ay leedahay dowlada Mareykanka.
“Diyaaradaan waa tii labaad oo uu soo rido difaacayna cirka muddo 72 saacadood gudahood ah.” Ayuu yiri Yaxya Sariic.
Afhayeenka militariga Xuutiyiinta ayaa intaas ku sii daray in diyaaradaan ay tahay diyaaradii 8aad oo ay soo rideen tan iyo markii uu bilowday dagaalka ka socda magaalada Gaza.
