Kooxaha gurmadka deg-degga ah ee Yahuudda ayaa ku dhawaaqay, in 5 qof ay ku dhaawacmeen iyaga oo ku sii jeeday godadka laga gala duqemaha, kaddib markii seeriga laga dhawaajiyay, iyadoo laga digayay gantaal laga soo riday Yemen oo ku socday dhulka Yahuudda xoogga ku haysato ee Falastiin.
Ciidamada Yahuudda ayaa sheegay, in ay ka hortageen gantaalka ka hor inta uusan gaarin dhulka ay gumaystaan, halka warbaahinta Sahaayinadana ay ku warantay in la hakiyay isu socodkii hawada ee garoonka Ben Gurion.
Raadiyaha Ciidanka Yahuudda oo soo xiganaya ilo-militari ayaa sheegay, in uu jiro diyaargarow xooggan oo lagu doonayo in la qaado weerarro xooggan oo ka dhan ah kooxda Xuthiyiinta Yemen.
