Yahuudda ayaa shalay duqeymo ka geysatay magaalo ku taalla gobalka Darca ee Koonfurta Suuriya, waxaana duqeymahaasi ku nafwaayay dad shacab ah, sida ay sheegeen mas’uuliyiinta gobalka.
Iyagoo dhanka kalana tilmaamay, in ciidamada Yahuudda ay gudaha u galeen deegaanno ka tirsan gobalkaas, halka dadka rayidka ahna ay bilaabeen inay isaga barakacaan deegaannadooda, iyagoo ka cabsi qabo inay waxyeelleeyaan ciidamada Yahuudda ee duullaanka kusoo qaaday.
Maamulka gobolka Darca ayaa bayaan uu soo saaray uuna soo dhigay Telegram-ka ku sheegay, in shan qof ay ku dhinteen duqeymo ay ciidamada Yahuuddu ka geysteen magaalada Koya ee galbeedka Darca, taas oo ah xogta horudhaca ah ee khasaaraha ka dhashay duqeymaha Yahuudda.
Waxay tilmaameen, in ciidamada Yahuudda ay duulaanka kusoo qaadeen magaalada, kadib markii ay ku garaaceen dhowr madfac.
Horaantii shalay ayay ahayd, markii ciidamada Yahuudda ay ku dhawaaqeen, in ay duqeeyeen laba saldhig oo milatari oo ku yaalla bartamaha Suuriya, iyagoo ku andacoonaya, in saldhigyadaasi ay ku jiraan awooda ciidan oo hore, waa sida ay hadalka u dhigeene.
