Diyaaradaha Sahaayinada ayaa saaka duqaymo ka fuliyay magaalooyin kamida marinka Qaza, goobaha ay beegsadeen waxaa kamida teendhooyin ay daganaayeen dad barakacayaal ah oo ku kala yaalla Deir-balax iyo Khan-yunis.
Illo madax banaaan oo warbahinta la hadlay, waxay sheegeen in ay shahiideen 3 falastiiniyiin ah, halka ay ku dhaawacmeen tiro intaas kabadan oo ay ku jiraan caruur iyo haween, kuwaas oo ku sugnaa xerada barakacayaasha ee magaalada Deir-balax. Dadka ku dhaawacmay duqayntan ayaa loo gudbiyay Isbitaalka Shuhadada Al-Aqsa, kaas oo ku yaala isla magaalada Deir-balax ee bartamaha Marinka Qaza.
Dhanka Magaalada Khan-yunis, waxaa ku shahiiday 3 qof oo falastiiniyiin ah oo ay ku jirto gabar, halka ay ku dhaawacmeen 20 kale, dhuqayntan ayaa ka dhacday guri ku yaala xaafadda Sheekh Naasir ee magaalada Khan-yuunis ee koonfurta marinka Qaza.
