Xafiiska warbaahinta ee dawladda Gaza ayaa ku warramaya in 84 Falastiiniyiin ah, oo ay ku jiraan in ka badan 50 carruur ah, lagu dilay laba weerar oo Xasuq Bahalnimo cirka ah oo Yahuuddu ay ku qaadday dhismayaal la deggan yahay oo ku yaalla waqooyiga Qaza.
Mareykanka ayaa doonaya inuu Bariga Dhexe geeyo hanti badan oo milateri, sida maraakiibta dagaalka ee ciidamada badda, dagaalyahannada jet-ka iyo diyaaradaha wax duqeeya ee riddada dheer.
Wajiga saddexaad ee ololaha tallaalka cudurka dabeysha oo dib loo dhigay ayaa loo qorsheeyay inuu dib uga billaabo Gaza, kooxaha gargaarka ayaa sheegay, ka dib markii ololaha uu istaagay iyadoo ay Yuhuuddu weerartay iyo barokac ballaaran oo lagu hayo shacabka waqooyiga Gaza, oo ay ciidanku go’doomiyeen ku dhawaad hal bil. Xasuuqa ay Yahuuddu geysaneyso ee Gaza waxa ku dhintay ugu yaraan 43,259 falastiiniyiin ah iyo dhaawaca 101,827 tan iyo October 7, 2023.
Dhanka kale Qiyaastii 1,139 qof ayaa lagu dilay Dhulka Yahuudda intii lagu jiray weeraradii ayIska Caabintu hogaaminaysay maalintaas in ka badan 200 oo qofna waa la qafaashay.
