Wararka inaga soo gaaraya marinka Ghaza ayaa kusoo waramaya, in hogaamiye ka tirsanaa xafiiska siyaasadda ee Xamaas lagu dilay duqeyn ay Yahuuddu habaynkii xalay ka geysatay magaalada Khan Yuunis.
Hogaamiyahan oo lagu magacaabi jiray Salah al-Bardawil ayay diyaaradaha Yahuuddu duqeymo culus ku garaaceen hoy uu daganaa oo ku yaalla galbeedka Khan Yuunis, waxaana halkaas ku geeriyooday isaga iyo xaaskiisa.
Xarakada Xamaas ayaa bayaan tacsi ah oo ay soo saartay ku sheegtay, in Bardaawiil iyo xaaskiisa ay ku shahiideen duqeymo ay fuliyeen diyaaradaha cadawga ee Yahuudda, xilli ay ku sugnaayeen teendhadooda oo ku taalla deegaanka Al-Mawaasi ee galbeedka Khan Yuunis.
Waxay intaasi ku dareen, in tani ay qayb ka tahay xasuuqa naxariis darada ah ee cadowgu ku hayo shacab reer Falastiin ee samirka iyo dulqaadka badan ee ku sugan Marinka Ghaza.
Yahuudda ayaa sidaan oo kale horay duqeymo ula beegsatay hogaamiyaal sare oo ka tirsanaa muqaamada Falastiin, iyadoo hadafkeedu ahaa inay daciifiso awoodda muqaawamada, balse beegsiga hogaamiyaashaasii waxba kama badalin, awooddooda inay sii bulaasha mooyaane.
