Ciidamada Yahuudda ayaa gubay Iskuulka Al-Fakhura ee ku yaalla Xerada Jabalia, iyadoo ay sii wadaan Duqeymaha Cirka iyo Madaafiicda taangiyada ee ay ku garaacayaan guud ahaan Marinka Qaza, kuwaas oo sababay dhimashada iyo dhaawaca dad badan oo Falastiiniyiin ah.
Ilaha caafimaadka ayaa warbaahinta usheegay in 36 Falastiiniyiin ah ay ku shahiideen duqeymaha ay Yahuuddu ka wado deegaano ku yaala waqooyiga, bartamaha iyo koonfurta marinka Qaza tan iyo subaxnimadii isniinta, kuwaas oo 15 kamid ah ay ku shahiideen waqooyiga Marinka Qaza.
Dhankooda, ciidamada Yahuudda ayaa ku dhawaaqay dhimashada taliye Ciidan oo ka tirsanaa guutada 52-aad, kaas oo u dhintay dhaawac kasoo gaaray dagaallo ka dhacay waqooyiga Marinka Qaza.
