Madaxweynaha Ukraine Volodymyr Zelenskyy ayaa sheegay, in dalkiisu uu diyaar u yahay xabbad joojin shuruud la’aan ah, isagoo xusay in koox wafdi ah ay hadda ka shaqeynayaan qabyo-qoraalka heshiiska birta ee ay Ukrayn la gashay Washington.
Zelenskyy ayaa intaa ku daray, intii lagu guda jiray shir jaraa’id oo uu la yeeshay wasiirka arrimaha dibadda ee Jarmalka Annalena Baerbock, in uu jimcaha la kulmi doono wakiillo ka socda dhawr wadan oo doonaya in ay ku biiriyaan ciidamo shisheeye oo la geeyo dalka Ukraine, iyada oo Kyiv ay ku dadaalayso in ay hesho dammaanad amni oo qayb ka ah heshiis kasta oo nabadeed oo lala galo Ruushka.
Zelensky ayaa ku booriyay Washington in ay xoojiso cunaqabateynta saaran Ruushka, isaga oo sheegay in ay Ukrayn haysato dhammaan qaadka agabka lagama maarmaanka u ah in uu Maraykanku xoojiyo cunaqabataynta uu ku hayo Ruushka, taas oo ah in ay Kyiv diyaar u tahay inay Washington ku wareejiso macdanta qaaliga ah ee dalkeeda ceegaagta.
Wasiirka arrimaha dibadda ee Ruushka Sergey Lavrov ayaa isna dhankiisa sheegay goor hore oo maanta ah in dalkiisa 100% ay ka go’an tahay joojinta weerarrada ka dhanka ah kaabayaasha tamarta ee Ukraine.
“Milateriga Ruushka wuxuu si adag u ilaalinayaa cunaqabateynta uu madaxweynuhu amray mar uu taleefoon kula hadlay dhigiisa Mareykanka Donald Trump 18-kii March,” wasiirka ayaa sidaas ku yiri war uu siiiyay warbaahinta dalkiisa.
Labada dhinac ayaa bishii March ee la soo dhaafay ku heshiiyey wadahadal uu Maraykanku garwadeen ka ahaa oo ka dhacay Sucuudiga, iyagoo ballan qaaday in la joojinayo weerarrada ka dhanka ah xarumaha tamarta iyo shidaalka ee labada dal. Si kastaba ha ahaatee, weerarada ay labada dhinac is dhaafsanayeen ayaan wali meesha ka bixin, iyadoo la isweydaarsanayo eedeymo la xiriira mas’uuliyada weeraradaas.
